Konte dëshiron Hysajn tek Çelsi, ja çfarë shkruajnë anglezët

Panorama Sport | Lajmet e fundit nga sporti

Postuar: Prill 8, 2016 | 14:42

Konte dëshiron Hysajn tek Çelsi, ja çfarë shkruajnë anglezët

Përformanca e tij e shkëlqyer me fanellën e Napolit ka bërë që shumë skuadra gjigante në Europë të shfaqin interes për Elseid Hysaj.Diego Simeone, trajneri i Atletiko Madridit ka kërkuar të ketë në grup mbrojtësin shqiptar. pogba-e-hysaj-durante-napoli-juventusMirëpo në pistë është shfaqur dhe trajneri Italian që do të drejtojë Çelsin, Antonio Konte.

Menaxheri i futbollistit shqiptar i cituar nga mediat spanjolle ka theksuar që Hysaj vlen për ekipe si Real Madrid, Mançester Junajtid apo Çelsi. Ndër të tjera, Giuffredi  rrëfen mundësinë e largimit të 22-vjeçarit gjatë merkatos së verës.

“Nëse Napoli do ta konsiderojë shitjen e tij mund të përfitojë një shumë të madhe. Aktualisht nuk po diskutojmë për rinovimin e kontratës sepse nuk duam të krijojmë probleme por është e qartë se vetëm 7 muaj më parë ai ishte një tjetër lojtar dhe me paraqitjet e këtij sezoni ka ndryshuar shumë. E theksoj, rinovimi nuk është prioritet. E njoh Elseidin që prej shumë vitesh dhe e dija se do të shpërthente në Napoli. Tashmë është bërë një lojtar i kalibrit të lartë dhe mendoj se është gati edhe për skuadra si Chelsea, Manchester apo Real Madrid”.

Interesi i Çelsit

Ueb-faqja angleze “Chelsea-new.co” shkruan se Antonio Konte ka interes të afrojë tek londinezët edhe mbrojtësin shqiptar, pasi është lojtari ideal për skemat e preferuara të tij 3-5-2 ose 4-4-2.

“Shqiptari ka një kontratë me Napolin që e lidh deri në vitin 2020 dhe vlera e kartonit të tij mund të variojë nga 15 deri në 20 milionë Pound. Më parë, për 22-vjeçarin kanë shfaqur interes edhe Bayern Münich, Atletico Madrid e Bayer Leverkusen”- thuhet në shkrimin për Hysajn.

NDIQE LIVE "PANORAMA TV"