Kupa e Italisë/ Goli i Manajt i jep trofeun Interit ndaj Juventusit (VIDEO)
Të rinjtë e Interit fituan Kupën e Italisë në finalen e luajtur ndaj Juventusit. Ndeshja e zhvilluar mbrëmjen e së mërkurës në ‘San Siro’ përfundoi me rezultatin 2-1.
Fillimisht, Juventusi kaloi në avantazh në minutën e 33′ të pjesës së parë, por ai që barazoi shifrat në 1-1 ishte sulmuesi kuqezi, Rei Manaj. Ai shënoi në minutën e 77′ të pjesës së dytë, ndërsa Zonta dyfishoi shifrat në minutën e tretë shtesë.
Zikaltrit fituan në ndeshjen e parë në Torino me rezultatin 0-1 dhe goli i Manajt ishte vendimtar në këtë takim. Në ndeshjen e kaluar sulmuesi ishte disi në hije, por takimi i ‘San Siro’-s ishte krejt ndryshe.
Manaj rrezikoi disa herë portën e bardhezinjve duke qenë një nga pikat kryesore të sulmit të Interit. Një minutë para përfundimit të kohës së rregullt, sulmuesi u ndëshkua edhe me një karton të verdhë për simulim.
NDIQE LIVE "PANORAMA TV"