Dy futbollistët brazilianë, por me fate të ndryshme në karrierën e tyre, Nejmar te Barcelona dhe Renatinjo te Skënderbeu, kanë shkëmbyer mesazhe urimi.

Fillimisht ka qenë lojtari i Skënderbeut, Renatinjo, ai i cili ka uruar Nejmarin për ditëlindjen në profilin e tij në “Instagram”: “Urime vëlla, Zoti të bekoftë!”. Ndërsa nga ana e tij, ylli i Barcelonës i është përgjigjur: “Faleminderit vëlla”.

Të shumtë kanë qenë ndjekësit në profilin e Renatonjos të cilët janë habitur me përgjigjen e kthyer nga sulmuesi i Barçës.

Futbollistët shihen që janë miq me njëri-tjetrin edhe nga foto e publikuar nga Renatinjo.

Neymar da Silva Santos Júnior, ose siç njihet shkurt, Nejmar, feston këtë të premte 24-vjetorin e lindjes.

 

NDIQE LIVE "PANORAMA TV"

---