Tramexani i thur elozhe Grezdës: Lojtar interesant por…
Pas deklaratës së Eros Grezdës në intervistën për “Panorama Sport” se ka vendosur të presë Shqipërinë, pavarësisht çdo pengese dhe vonese, gazeta ka kontaktuar me ndihmëstrajnerin e De Biazit dhe njëkohësisht edhe drejtorin e ri teknik pranë FSHF-së, Paolo Tramexanin, në lidhje me këtë rast.”Në lidhje me vëzhgimin e talenteve mund të them që këtë djalosh e kam parë dhe e njoh shumë mirë. Di të them që Grezda është një futbollist shumë interesant.
Sa i përket të ardhmes së tij, është diçka që e vendos vetëm Xhani (De Biazi) dhe unë nuk mund të them asgjë tjetër për ftesën apo mos ftesën e tij në Kombëtaren A.
Ashtu si më parë, por mbi të gjitha tashmë edhe me rolin tim të ri si drejtor teknik, do të vazhdoj që të ndjek edhe djemtë e rinj, përveç atyre që janë pjesë e skuadrës së parë.
Ditët e fundit kemi bërë një vëzhgim të shumë lojtarëve të rinj në Greqi, Zvicër, Itali Shqipëri dhe Kosovë”, ka deklaruar Tramexani për “Panorama Sport”. Përgjigje diplomatike, por kuptimplotë e numrit dy të Kombëtares së madhe dhe të njeriut që do të koordinojë punën me talentet shqiptarë kudo në botë.
NDIQE LIVE "PANORAMA TV"