“Leksion gjerman ndaj një Italie pa dinjitet, Konte gabon gjithçka”
Pas fitores 4-1 që Gjermania mori ndaj Italisë në ndeshjen miqësore të luajtur mbrëmjen e së martës në Mynih, mediat italiane kanë kritikuar ashpër paraqitjen e bërë nga skuadra e tyre.
E përditshmja ‘Corriere dello Sport’ shkruan se Gjermania i dha një leksion Italisë, në një ndeshje ku mungoi krenaria dhe dinjiteti në fushë.
Gazeta italiane kritikon më shumë trajnerin Antonio Konte, duke thënë se gaboi gjithçka me vendosjet e tij në fushë.
Ndërsa gazeta më e madhe sportive në vend “La Gazzetta dello Sport”, shkruan se Italia u kthye me këmbë në tokë.
“Miqësorja e Mynihut u dominua nga kampionët e Botës dhe kjo nuk ishte rastësi. Por kjo dihej. Nëse Konte kërkonte konfirmime nga ky takim, kthehet në Itali me më shumë dyshime se sa qartësi: Është prova më e keqe e Kombëtares së tij”,-shkruan gazeta italiane.
NDIQE LIVE "PANORAMA TV"