Pas largimit të pritshëm të Antonio Kontes në përfundim të ‘Euro 2016″, Italia është ende pa një emër konkret për zëvendësimin e tij.

Një analizë e fundit e publikuar nga e përditshmja italiane “Corriere dello Sport”, bën fjalë për një liste me 40 kandidatë të mundshëm, ku mes tyre është edhe trajneri i Kombëtares shqiptare të futbollit, Xhani De Biazi.

Lista me 40 persona ndahet në 6 kategori:

Në kategorinë e parë renditen trajnerët italianë të Serisë A, duke filluar nga Alegri sipas rendit alfabetik e me radhë, Spaleti, Montela, Mançini etj.

Në kategorinë e dytë përfshihen trajnerët italianë që drejtojnë skuadra jashtë vendit të tyre. Ançeloti, De Biazi dhe Ranieri janë në top listën e kandidatëve të mundshëm për Kombëtaren italiane, përfshirë edhe Guidolin.

Ndërsa në kategorinë e tretë janë trajnerët e papunë si Prandeli e Malesani. Kapelo nuk është në listë për shkak se ai u vetëpërjashtua pak javë më parë.

Lista zgjerohet me kategorinë e pestë në të cilën futen ‘të moshuarit’, por që sipas shtypit italian, ata janë aktivë dhe shihen si alternativa. Mes tyre janë emrat e Trapatonit, Lipit dhe Sakit. Për këtë të fundit, flitet më shumë për cilësitë akademike, por është në listë.

Në kategorinë e pestë bëjnë pjesë ata trajnerë të rinj në Itali që sapo kanë filluar karrierën. Këtu përmedet emri i De Biaxhos.

Ndërsa në kategorinë e fundit, por jo për nga rëndësia, vijnë ata ish-lojtarë të mëdhenj që mund të rikthehen si trajnerë: Del Piero dhe Kanavaro.

NDIQE LIVE "PANORAMA TV"

---